અનુનય/ગઝલ: Difference between revisions
Jump to navigation
Jump to search
ગઝલ
(+1) |
(No difference)
|
Revision as of 01:16, 27 April 2024
ઊંટ-પગલાંમાં રણો ચાલ્યા કરે
મૃગજળોમાં છાંયડા હાલ્યા કરે.
બંધ મુઠ્ઠીમાં પુરાયેલી ક્ષણો
હસ્તરેખાઓને પંપાળ્યા કરે.
જાગતાં ના પાંપણો ઊંચી કરે
બંધ આંખોથી ૫છી ભાળ્યા કરે!
પ્હોંચવા એને સીધો રસ્તો લઉં
એ જ મારા રાહને વાળ્યા કરે!
આંખથી આંસુ બની વરસે નહીં
લાગણીઓ આગ થૈ બાળ્યા કરે.
રાતદી જોયા વને બોલ્યા કરે
ક્હેવી છે તે વાતને ટાળ્યા કરે!
૨૫-૭-’૭૪