View source for અર્વાચીન ગુજરાતી કાવ્યસંપદા/ 'કાન્ત' — મણિશંકર રત્નજી ભટ્ટ/આપણી રાત

{{SetTitle}}
{{Heading|આપણી રાત| 'કાન્ત' — મણિશંકર રત્નજી ભટ્ટ}}
<poem>
શરદ પૂનમની રઢિયાળી સદા
	{{space}}મને સાંભરે આપણી રાત, સખી!
હસે આકાશે ચંદ્રમા, તારા લસે;
	{{space}}મને સાંભરે આપણી રાત, સખી!<br>
વદને નવજીવન નૂર હતું,
નયને પ્રણયામૃત પૂર હતું;
હૃદયે રસમાં ચકચૂર હતું;
	{{space}}મને સાંભરે આપણી રાત, સખી!<br>
ન્હાતાં ન્હાતાં પ્રકાશમાં, પ્રેમ તણી
કીધી વિશ્રબ્ધ વાતો રસીલી ઘણી;
કલ્પનાની ઇમારત કૈંક ચણી,
	{{space}}મને સાંભરે આપણી રાત, સખી!<br>
તારું સ્વાર્પણ અંતરમાં જ લહું,
કથા અદ્ભુત એ જઈ કોને કહું?
સ્મરનાં જલ માંહી નિમગ્ન રહું;
	{{space}}મને સાંભરે આપણી રાત, સખી!<br>
રાત રૂપાળી, રૂડી, રસાળી હતી;
આશકોની અપૂર્વ દિવાળી હતી;
આખી ઉત્સવ માફક ગાળી હતી!
	{{space}}મને સાંભરે આપણી રાત, સખી!<br>
પ્રાણો આપણાનો ત્યારે યોગ થયો,
અંગેઅંગનો ઉત્તમ ભોગ થયો;
અને આખર આમ વિયોગ થયો!
	{{space}}મને સાંભરે આપણી રાત, સખી!<br>
હસે આકાશે ચંદ્રમા, તારા લસે,
	{{space}}મને સાંભરે આપણી રાત, સખી!
શરદ પૂનમની રઢિયાળી સદા,
	{{space}}મને સાંભરે આપણી રાત, સખી!
</poem>


{{HeaderNav
|previous=[[અર્વાચીન ગુજરાતી કાવ્યસંપદા/ 'કાન્ત' — મણિશંકર રત્નજી ભટ્ટ/મનોહર મૂર્તિ | મનોહર મૂર્તિ]]  | દેવે દીધી દયા કરી કેરી મને,]]
|next = [[અર્વાચીન ગુજરાતી કાવ્યસંપદા/રમણભાઈ નીલકંઠ /અર્પણ ('રાઈનો પર્વત') | અર્પણ ('રાઈનો પર્વત')]]  | જે પુષ્પનાં દલ ખોલીને રજ..]]
}}