એકતારો/ફાટશે અગ્નિથંભો ને—: Difference between revisions
KhyatiJoshi (talk | contribs) (Created page with "{{SetTitle}} {{Heading|ફાટશે અગ્નિથંભો ને—|}} <center>'''[રાજકોટના પ્રજાસંગ્રામમાં નાન...") |
KhyatiJoshi (talk | contribs) No edit summary |
||
Line 50: | Line 50: | ||
* સ્વ. લાખાજીરાજ | * સ્વ. લાખાજીરાજ | ||
</poem> | </poem> | ||
<br> | |||
{{HeaderNav2 | |||
|previous = હસતા હિમાદ્રિને | |||
|next = કાળનું વંદન | |||
}} |
Latest revision as of 13:15, 27 January 2022
થંભો જબાનો, કવિ–ગાન થંભો
વાણી અને સંગીત દોય થંભો;
અબોલ ઓ અંતરજામી માહરા!
'નમું તને!' એટલું બોલી થંભો.
ઝીંકાતી લાઠીઓ નીચે, ઢળી જો નિરદોષિતા;
એના ઘાવે થતા જખ્મી, અંકધારી રહ્યા પિતા.* ૧.
ઝીંકો ઝીંકો જોરથી ઔર ઝીંકો,
કાંડાં કળે ત્યાં લગ ભાઈ! ઝીંકો,
કુણાં કુંણાં બાળક વીણી વીણી
ભાલે અને ગાલ પરે જ ઝીંકો.
પ્રભુનાં પ્રેમ–અશ્રુ શાં બુંદે બુંદે જુઓ ફુટે
પુન્યનાં પોયણાં રાતાં, કાળસિંધુ તણે તટે. ૨.
પ્રહ્લાદની વાત પુરાણ–કાળની
ન્હોતી મનાતી, પણ અહીં બાળની
ફડાફડી ખોપરીઓની ભાળતાં
લળી પડે અંતર એ કથા ભણી.
પરંતુ થંભનાં લોઢાં હજુ આંહી ધગ્યાં છ ક્યાં!
પિતાએ હાથીને પાદે શિશુઓ ચગદ્યાં છ ક્યાં! ૩
કતાર કોડી તણી જેહ થાંભલે
જલ્યા વિના અગ્નિપંથે ચડી હતી,
હા! એ જ થંભા સમ તોપ–ગોળલે
તમે શિશુડાં! રમવા ચડી જજો!
ટાઢાં લોઢાં થશે ને એ થંભા દાતણ–ચીર શા
ચીરાશે, સ્થિર રે'જો હો! હવે તો બહુ વાર ના. ૪
નહિ તદા દિવસ રાત્રિ નૈ હશે,
નહિ નહિ અંદર બહાર નૈ હશે,
સંક્રાન્તિના ઊંબર ઉપરે ઊભા
પ્રજાત્વનો થંભ ધગેલ ફાટશે.
ને ત્યાંથી કોણ–નરસિંહ? ના, ના, કોક નવા રૂપે
અપાપી પાપીની સૌની ઊઠશે અંબિકા રૂપે.
- સ્વ. લાખાજીરાજ