કંદરા/આરબ અને ઊંટ
એક જુવાન ઊંટ
પોતાની અંદર
ખૂબ બધું પાણી ભરી લઈને
ચાલી નીકળ્યું છે
એકલું
રેતીમાં.
રેતીને ચાટે છે, સૂગાળવાં જડબાંથી.
ને સામે મળે કોઈ આરબ તો
નથી આપતો પાણી સહેજે ય.
ને જો કોઈ બાંધી દે
એની પીઠ પર બાળક તો
દોડે છે એ, દોડે છે એ,
ત્યાં સુધી
જ્યાં સુધી
એ બાળકમાં જીવ હોય.
ને પછી બેસી પડે છે એ
રેતીમાં
ને વમળાય છે
ફગાવી દેવા એ બાળકને.
પણ પછી ત્યાં કોઈ ફરકતું નથી.
ને પીધા કરે છે એ
પોતાનું પાણી
ટીપાંઓમાં તારવીને.
❏