કાવ્ય-આચમન શ્રેણી – મકરન્દ દવે/૧૨. શું હસવું? શું રડવું?
Revision as of 06:32, 8 November 2022 by KhyatiJoshi (talk | contribs) (Created page with "{{SetTitle}} {{Heading|૧૨. શું હસવું? શું રડવું?|}} <poem> શું હસવું? શું રડવું? શૂન શિખરના પવન-પગથિયે {{Space}} શું ચડવું? શું પડવું?— {{Space}} શું હસવું? શું રડવું? ઘડીક તીખો તડકો તપતો, {{Space}} ઘડીક ઢળતી છાયા; રાત પડે ત્ય...")
૧૨. શું હસવું? શું રડવું?
શું હસવું? શું રડવું?
શૂન શિખરના પવન-પગથિયે
શું ચડવું? શું પડવું?—
શું હસવું? શું રડવું?
ઘડીક તીખો તડકો તપતો,
ઘડીક ઢળતી છાયા;
રાત પડે ત્યાં રસ્તો પકડે
માયાવી આ કાયાઃ
વાદળની લીલામાં વસતાં
શું લસવું? શું લડવું?—
શું હસવું? શું રડવું?
ભુલામણીમાં હરદમ ભટકે
આતમની અસવારી;
બાંધી મૂઠીમાં મતલબની
જીતી બાજી હારીઃ
ખેલ બધો છે ખાલી તેમાં
શું ખોવું? શું જડવું?
શું હસવું? શું રડવું?
૧૫-૪-’૫૩ (ગોરજ, પૃ. ૯૫)