કાવ્ય-આચમન શ્રેણી – હરિકૃષ્ણ પાઠક/૫૧. ‘સાક્ષર બોતેરી’માંથી
Revision as of 12:26, 14 December 2021 by MeghaBhavsar (talk | contribs) (Created page with "{{SetTitle}} {{Heading|૫૧. ‘સાક્ષર બોતેરી’માંથી |}} <poem> કોણ કોલસે કરે દલાલી? કપરો કા...")
૫૧. ‘સાક્ષર બોતેરી’માંથી
કોણ કોલસે કરે દલાલી? કપરો કારોબાર,
કાવ્યકલાનો કરતાં વદથી સુ.દ. થતાં શી વાર?
લાઠીદાવ રમી જાણે પણ રમત કરે તે લા.ઠા.
ફેલ-ફિતૂરની કરે ઠેકડી, ભર્યા ભર્યા બે કાંઠા.
મધ્યકાળ કે સ્વાતંત્ર્યોત્તર – ચર્ચામાં શી હાણ?
વીર નરોત્તમ તડેપેંગડે, દેખો સદા પલાણ…
બોરી તો સાકરની પાછી મધ-સગરમાં બોળે,
નથી વિરોધી એક્કે જન્મ્યો, નાહકનો ક્યાં ખોળે?
રઘુવીર આજન્મ રાજવી, ભલી રાજવટ કરે;
હવે શબ્દથી અદકી ચિંતા સમાજની ઉર ધરે.
રણઝણતી રૂમઝૂમતી ભાષા રાય મધુને વરી,
રંગ-રાગનો રસિયો ઠાકર કમાલ કંઈ કંઈ કરી.
હસે-હસાવે તેથી હર્ષદ, કરે કશાં તોફાન;
તરવાડીની ત્રેવડ જોગાં મળજો એને માન!
(જળમાં લખવાં નામ, પૃ. ૩૪૯-૩૫૪)