View source for ખારાં ઝરણ/માત્ર ધુમ્મસ, માત્ર વાદળ, કૈં જ દેખાતું નથી

{{SetTitle}}
<center><big><big>'''માત્ર ધુમ્મસ, માત્ર વાદળ, કૈં જ દેખાતું નથી'''</big></big></center>

<poem>
માત્ર ધુમ્મસ, માત્ર વાદળ, કૈં જ દેખાતું નથી,
છું શિખરની ટોચ પર તો કૈં જ બોલાતું નથી.

રોજ મારા નામ જોગી ચીઠ્ઠી મોકલતા તમે,
રોજ આંખો તાણતો, પણ કૈં જ વંચાતું નથી.

રંગબેરંગી બગીચો, વૃક્ષ, વેલી, પાંદડાં,
કૈંક ખૂટે છે કે બુલબુલ એ છતાં ગાતું નથી.

ખૂબ સગવડ છે છતાં પણ શું કહું આ સ્વર્ગને?
મારી સાથેનું અહીં તો કોઈ દેખાતું નથી.

છેક તળિયે હોય માની ડૂબકી ઊંડે દીધી,
મન છતાં ચાલક કે ઇર્શાદ પકડાતું નથી.

૨૭-૮-૨૦૦૮
</poem><br>
{{HeaderNav2
|previous = હે નમાયા શ્વાસ! પૂછી લે તરત
|next = સાંજ ટાણે ઢોલિયાને ઢાળવાની જિદ્દમાં
}}