ગુજરાતી એકાંકીસંપદા/સીમાંતે: Difference between revisions

| “આંહેં ન ભરે, શીકવે ના કિયે
ના, કુછ ભી જબાં સે કામ લિયે”

યાકુબઃ આ કમબખ્તો જંગ શા માટે કરતા હશે?

સમરથઃ આ એક જ એવો સવાલ છે કે જેનો જવાબ મળી જાય તો જગત જન્નત બની જાય.

યાકુબઃ તો પછી કેમ ઢૂંઢતા નથી એનો જવાબ.

સમરથઃ કોશિશ ચાલુ છે.

યાકુબઃ કોશિશ કરે તો શું ના મળે?

સમરથઃ દિલથી કોશિશ નથી કરતા.

યાકુબઃ દિલથી કોશિશ કરતાં કોણ અટકાવે છે એમને.

સમરથઃ સ્વાર્થ.

યાકુબઃ સ્વાર્થ જ તો જોતા નથી – સ્વાર્થ જોતો હોય ઇન્સાન તો કયામતની ખોજમાં ખર્ચાઈ જાય.

સમરથઃ બધું જ સમજે છે પણ એમ માની લે છે. કયામત બીજાની થશે હું બચી જઈશ ને આખા જગતનો માલિક બનીશ.

યાકુબઃ ભલભલા આફતાબે હલ્ક કબરમાં અંધારામાં પોઢી ગયા.

સમરથઃ કોઈ સમજ્યું છે કે આ સમજશે?

યાકુબઃ સમજશે – સમજવું જ પડશે. જ્યારે જંગ હરેક જીવને ભરખી જાય એવું જોખમ સમજાશે ત્યારે જખ મારીને સમજવું પડશે.

::: અત્યારે હેલિકૉપ્ટર! હજુ દસ દિવસ પહેલાં આવી ગયા છે.

સમરથઃ ભારતનું હેલિકૉપ્ટર છે – યાકુબ – જા મેરે બંકર મેં છૂપ જા.

યાકુબઃ પણ પાકિસ્તાનનું હોય તો – તું મારા બંકરમાં સંતાઈ જા.

સમરથઃ હું ઓળખું છું અમારા હેલિકૉપ્ટરના અવાજ – તું જા યાર.

યાકુબઃ મગર.

સમરથઃ (પકડીને પોતાના ભાગમાં ધકેલતાં) જા યાર યાકુબ બચ (બીજા હેલિકૉપ્ટરનો અવાજ) પાકિસ્તાનનું હવે?

યાકુબઃ આપકો CMC કે કમાન્ડ કે હુકમ સે ઈન્તીલા કી જાતી હૈ કિ –

સમરથઃ આવતીકાલે સંપૂર્ણ યુદ્ધ શરૂ થઈ જશે. દુશ્મનને જુઓ કે તરત ઠાર મારો. Shoot at sight, Shoot at sight.

યાકુબઃ Shoot at sight. (બન્ને કાગળો પોતાના ગજવામાં મૂકે છે.)

સમરથઃ હા યાકુબ, મગર આવતીકાલે.

યાકુબઃ બાંટો.

યાકુબઃ કેટલા પોઇન્ટ લેણા નીકળે છે તારા?

સમરથઃ એકસો વીસ.

યાકુબઃ અચ્છા … લો યે Game – કેટલા પોઇન્ટ

સમરથઃ ચાલીસ.

યાકુબઃ રહ્યા એંસી – ચલ તું જ પીસ.

સમરથઃ હું?

યાકુબઃ હા.

સમરતઃ (પાનાં વહેંચતાં) પહેલા બે મહિના તકલીફ પડી પણ પછી મજા આવી ગઈ.

યાકુબઃ હા દિન કટ ગયે સારે.

સમરથઃ ને કાલે સવારે તો જિંદગી.

યાકુબઃ આગે બઢો.

સમરથઃ હજુ ક્યાં સવાર થઈ છે.

યાકુબઃ યાર પત્તું ઊતર.

સમરથઃ અરે, હા.

યાકુબઃ ચોકટનું પત્તું. વાહ મેરે જાની દુશ્મન વાહ – ઓહ યહ કટ્ટગ્ડ.

સમરથઃ લેજા યાર.

યાકુબઃ કિતને પોઇન્ટ્સ?

સમરથઃ એંસી.

યાકુબઃ યાની મેને એકસો બીસ પૂરે – હો હી નહીં શકતા પત્તે દિખાવ.

સમરથઃ રહેવા દે યાર.

યાકુબઃ પત્તે દિખાવ સાલા પહલે તું જીતને કે લિયે પત્તે લડાતા થા આજ સાલા મુજે જિતાને કે લિયે.

સમરથઃ ચલ યાર.

યાકુબઃ પત્તે દિખાવ – સાલા – બાજી ફોક સાલા પત્તાં લડાતા હૈં.

સમરથઃ જીતેલી બાજી ફોક કરે છે?

યાકુબઃ યાર, આજ દિન તક પત્તાં હાર્યાં ને પત્તાં જીત્યાં. આજે તો આપણે બન્ને હારી ગયા.

સમરથઃ પેલા ચીકન.

યાકુબઃ નીંબુ કા અચાર.

સમરથઃ રૂકસાનાની હથેળી.. યાર તારે તો રૂકસાના છે મારું તો…

યાકુબઃ અને બેસનના લડ્ડુ્.

યાકુબઃ (ક્યોં?) મૈં… ઠેર (અંદર જાય) ટોપી લો યહ તુમ્હારી ટોપી – યાદ છે એ દિવસ કિતના કોહરા છાયા થા – કરા વરસ્યા’તા. હેલમેટ પર તો જાણે કાનમાં પથ્થર વાગતા હતા.

સમરથઃ ને આ તારી બામની શીશી – કમ્મર પોલાદની થઈ ગઈ હતી. મારી ને તેં બામ ચોળી આપ્યો હતો.

યાકુબઃ અને મારે તને આવતી કાલે જોતાંવેત ખતમ કરવાનો.

સમરથઃ ફોજમાં પગાર તો એનો જ અપાય છે ને. Shoot at sight.

યાકુબઃ હા મરો ને મારો.

સમરથઃ હા કાલે સવારે સૂરજના પહેલા કિરણે તારે મને મારવાનો.

યાકુબઃ ને મારે તને. સાલું કેટલું વિચિત્ર લાગે છે.

સમરથઃ બેવકૂફ – અર્થહીન.

યાકુબઃ એટલે જ જંગ.

સમરથઃ આ પનાની કેટ રાખવી છે તારે?

યાકુબઃ તારા વગર હું પત્તાં કોની સાથે રમીશ?

સમરથઃ એક કામ કરીએ. બન્ને અડધી અડધી વહેંચી લઈએ, ન તારાથી રમાય, ન મારાથી.

યાકુબઃ છતાં પત્તાં જોઈએ.

સમરથઃ ચલ, ગુડ નાઇટ.

યાકુબઃ કાલ ગુડ મૉર્નિંગ તો ગોળીઓથી કહેવું પડશે – O.K. (યાકુબ પોતના ભાગમાં જાય, સમરથ એને જતો જોઈ રડે. યાકુબ પાછો ફરી તારની વચ્ચેથી હાથ કાઢી ભેટી પડે.) યાર, મેરે દુશ્મન એક બાર ગલે તો મિલ લે.

સમરથઃ હિન્દુસ્તાન ઝિંદાબાદ.

યાકુબઃ પાકિસ્તાન પાઈંદાબાદ.

યાકુબઃ પાઈંદાબાદ.

સમરથઃ ઝિંદાબાદ.

યાકુબઃ હાથ તો મિલાવ યાર.

સમરથઃ જરૂર. આપણા બન્નેના બદનમાંથી નીકળેલા લોહીની ધાર બરફમાં એક થઈને થીજી જશે ત્યારે તો એ લોકોને ખબર પડશે.

યાકુબઃ ત્યારે તો સમજશે, તેઓ ત્યારે તો સમજશે.

(બન્ને મૃત્યુ પામે – પડદો)

{{Right|(પ્રસિદ્ધ એકાંકીઓ)}}

{{Poem2Close}}