છોળ/ઝબૂકિયાં: Difference between revisions

From Ekatra Wiki
Jump to navigation Jump to search
(+1)
 
No edit summary
 
Line 46: Line 46:


<br>
<br>
{{HeaderNav2
{{HeaderNav
|previous = [[છોળ/ઓળખ-૨|ઓળખ]]
|previous = [[છોળ/ઓળખ-૨|ઓળખ]]
|next = [[છોળ/માંડણાં|માંડણાં]]
|next = [[છોળ/માંડણાં|માંડણાં]]
}}
}}

Latest revision as of 01:27, 29 April 2024


ઝબૂકિયાં


ઝૂકી ઝૂકી આસોની રઢિયાળી રાત
કે રાત કરે અનગળ ઝબૂકિયાં!

રાત જાણે ગેબી ચંદરવાની ભાત
કે ભાત કરે અનગળ ઝબૂકિયાં!

ભાત મહીં ઠેર ઠેર આભલાંના ઢેર
કે ઢેર કરે અનગળ ઝબૂકિયાં!

ઢેર જાણે ઊંચા ગોવરધનના મેર
કે મેર કરે અનગળ ઝબૂકિયાં!

મેર તળે લીલું નાઘેર એક ધામ
કે ધામ કરે અનગળ ઝબૂકિયાં!

ધામ વા’લા ગમતું ગોકુળિયું ગામ
કે ગામ કરે અનગળ ઝબૂકિયાં!

ગામ બ્હાર ફંટાયા જમનાના તીર
કે તીર કરે અનગળ ઝબૂકિયાં!

તીર બીચ ધસમસતાં શ્યામ વહે નીર
કે નીર કરે અનગળ ઝબૂકિયાં!

નીર ભરી હલમલતી જાય હાંર્યે હેલ
કે હેલ કરે અનગળ ઝબૂકિયાં!

હેલને તે હળવે ઉતારો મોરા છેલ
કે છેલ કરે અનગળ ઝબૂકિયાં!

છેલ ઊંચા જાદવ તે કુળની છે શાખ
કે શાખ કરે અનગળ ઝબૂકિયાં!

શાખના તો ગરબા લેવાય હજી લાખ
કે લાખ કરે અનગળ ઝબૂકિયાં!

૧૯૮૭