યુગવંદના/સલામો: Difference between revisions

From Ekatra Wiki
Jump to navigation Jump to search
No edit summary
No edit summary
 
(No difference)

Latest revision as of 15:52, 27 January 2022


સલામો

સલામો કરું બીજના ચાંદને
સલામો જમીં આસમાં હો તને!
સલામો ચમનને ને વેરાનને
ઉછેર્યો તમે એક ઇન્સાનને.
દીઠાં છે ન કાશી કે કાબા અમે,
કુરાનો પુરાણો પઢ્યાં નૈ અમે,
ન નાપાક કે પાકના ભેદની
કિતાબો અમે ઉમ્રભરમાં ભણી.
અમે જે હતા ઢૂંઢતા તે જડ્યું
અહીં એક ઇન્સાનને દિલ ભર્યું
નયન નીતર્યું ને સબકથી સર્યું
નૂરે-વસ્લ:* એણે વતનને ધર્યું.
અમો મિસ્કિનોને શી દૌલત મળી!
ગરૂરી વધી નૈ, ગઈ ઓગળી.
હતા કંજૂસો કાળજૂના અમે,
ગયા વીફરી, રે ફના કાં ગમે!
૧૯૪૦