વેણીનાં ફૂલ/ગામડાંના વિસામા: Difference between revisions
Jump to navigation
Jump to search
[બાર બાર વરસે નાવણી ગળાવી - ઢાળ]
MeghaBhavsar (talk | contribs) (Created page with "{{SetTitle}} {{Heading|ગામડાંના વિસામા|}} <poem> <center>[બાર બાર વરસે નાવણી ગળાવી - ઢાળ]</center>...") |
(No difference)
|
Latest revision as of 12:26, 29 January 2022
ગામડાંના વિસામા
નાનાં શાં ગામડાંના નાના વિસામા
ચોરો ને બીજો ચબૂતરો જી રે
ચોરે પૂછાય મારા બાપુનાં બેસણાં
ચબૂતરે પોપટડા જી રે!
ચોરે ડોલે છે રાજદરબારી ડાયરા
ચબૂતરે પારેવડાં જી રે!
ચોરે પરભૂનાં ગીત ગાતા પટેલીયા
ચબૂતરે પારેવડાં જી રે!
ચોરે સાધૂડલાંને દેતાં સદાવ્રત
ચબૂતરે ચણ્ય નીરતાં જી રે!
ચોરે બેસીને ધ્યાન રાખે છે ચોકીયાત
ચબૂતરે ધ્યાન વાણીયા જી રે!
ચોરામાં દેવ રામસીતાનાં જોડલાં
ચબૂતરે દેવ મોરલા જી રે!
ચોરે ઠાકોરજીની ઝાલર ઝણંકે
ચબૂતરે ઘૂઘવાટા જી રે!
નાનાં શાં ગામડાંના નાના વિસામા
ચોરો ને બીજો ચબૂતરો જી રે!