વેણીનાં ફૂલ/બાલૂડી બ્હેન: Difference between revisions
Jump to navigation
Jump to search
MeghaBhavsar (talk | contribs) (Created page with "{{SetTitle}} {{Heading|બાલૂડી બ્હેન|}} <poem> મારી બાલૂડી બ્હેન! મારી ભોળૂડી બ્હેન! તા...") |
(No difference)
|
Latest revision as of 11:04, 29 January 2022
બાલૂડી બ્હેન
મારી બાલૂડી બ્હેન! મારી ભોળૂડી બ્હેન! તારી આંખો ઝીણી ને આભ જોતી રે બ્હેન!
મારી બાલૂડી બ્હેન! મારી વ્હાલૂડી બ્હેન! તારૂં મોઢું નાનું ને હાસ્ય મોટાં રે બ્હેન!
મારી બાલૂડી બ્હેન! મારી કાલૂડી બ્હેન! તારી ઝીણેરી જીભ, બોલ ઘેરા રે બ્હેન!
મારી બાલૂડી બ્હેન!
મારી ઘેલૂડી બ્હેન!
તારી આછી પાંપણા ને નીંદ ઘાટી રે બ્હેન!
મારી બાલૂડી બ્હેન!
મારી કોડીલી બ્હેન!
તારૂં માથું ટુંકુ ને વાળા લાંબા રે બ્હેન!
મારી બાલૂડી બ્હેન!
મારી લાડીલી બ્હેન!
તારી નાની કાયા ને જોર જબરાં રે બ્હેન!
મારી બાલૂડી બ્હેન!
મારી માધૂરી બ્હેન!
તારી ઉંમરા છોટીને વાતા મોટી રે બ્હેન!
મારી બાલૂડી બ્હેન!
મારી ભોળૂડી બ્હેન!
તારાં જીવતરા થોડાંને હેત ઝાઝાં રે બ્હેન!