સમગ્ર અરધી સદીની વાચનયાત્રા/જયા મહેતા/થાય છે —

Revision as of 12:21, 31 May 2021 by ArtiMudra (talk | contribs) (Created page with "<poem> જમીન પર પથરાયેલી વૃક્ષની ઠંડીલીલી છાયાને ભેગી કરી લઈ લઉં… બારી...")
(diff) ← Older revision | Latest revision (diff) | Newer revision → (diff)

જમીન પર પથરાયેલી
વૃક્ષની ઠંડીલીલી છાયાને
ભેગી કરી લઈ લઉં…
બારીના કાચ પર ઘડીભર જંપેલા
તેજભર્યા સૂરજને
હળવેથી ઊંચકી લઉં
ને
અગાશી ભરીને લેટેલા
હૂંફાળા તડકાની મેંદીને
ગુપચુપ ભરી લઉં હથેળીમાં
અને પછી
ગુલબાસની ફોરમને
પગલે પગલે ભીતર પ્રવેશી
પૂછી આવું ખબરઅંતર મૂળિયાના
અને
સોંપી દઉં સૌને
થોડી થોડી છાયા, થોડો થોડો તડકો
થોડો થોડો સૂરજ.
[‘સંસ્કૃતિ’ માસિક : ૧૯૭૭]