ગુજરાતી ગઝલસંપદા/ અમિત વ્યાસ
Revision as of 15:01, 8 January 2023 by Kamalthobhani (talk | contribs) (Created page with "{{SetTitle}} {{Heading| અમિત વ્યાસ |}} <poem> તારા વિશે જે નીકળ્યાં ઊંડી તપાસમાં; તેઓ બધા જ હોય છે કાયમ પ્રવાસમાં!<br> સાંઈ! તમે જ કંઈક કહો તાંતણા વિશે; લોકો તો ગૂંચવાઈ ગયા છે, કપાસમાં!<br> જ્યારે સ્વયમના તેજથી...")
અમિત વ્યાસ
તારા વિશે જે નીકળ્યાં ઊંડી તપાસમાં;
તેઓ બધા જ હોય છે કાયમ પ્રવાસમાં!
સાંઈ! તમે જ કંઈક કહો તાંતણા વિશે;
લોકો તો ગૂંચવાઈ ગયા છે, કપાસમાં!
જ્યારે સ્વયમના તેજથી અંધાર ઓગળે;
ત્યારે ફરક રહે નહીં પૂનમ-અમાસમાં!
તારા વિરુદ્ધ કાન ભરે છે અનેકના;
એનોય હાથ હોય છે તારા વિકાસમાં!
ઝોલે ચડી છે રાજકુમારીની વારતા;
ગોખે થરકતા એક દીવાના ઉજાસમાં!
સેવી શકે, તો સંતની કોટિને પામશે;
જે શબ્દ વેડફે છે તું વાણી-વિલાસમાં!