અર્વાચીન ગુજરાતી કાવ્યસંપદા/જયંતીલાલ આચાર્ય/મંદિર

From Ekatra Wiki
Jump to navigation Jump to search


મંદિર

જયંતીલાલ આચાર્ય

મંદિર તારું વિશ્વ રૂપાળું,
સુંદર સરજનહારા રે;
પળ પળ તારાં દર્શન થાયે,
દેખે દેખણહારા રે! મંદિર.

નહિ પૂજારી, નહિ કોઈ દેવા,
નહિ મંદિરને તાળાં રે!
નીલ ગગનમાં મહિમા ગાતા,
ચાંદો સૂરજ તારા રે. મંદિર.

વર્ણન કરતાં શોભા તારી,
થાક્યા કવિગણ ધીરા રે;
મંદિરમાં તું ક્યાં છુપાયો?
શોધે બાળ અધીરાં રે. મંદિર.

(દીવાટાણું, ૧૯૭૩, પૃ. ૩૫)