અર્વાચીન ગુજરાતી કાવ્યસંપદા/પ્રિયકાન્ત મણિયાર/દિવસે ડૂબું

From Ekatra Wiki
Jump to navigation Jump to search
દિવસે ડૂબું

પ્રિયકાન્ત મણિયાર

દિવસે ડૂબું રાતના ઊગું
         કોઈ વેળા હું આભમાં પૂગું.
એકલવાયા તારલા તગે છેક છેવાડે બૂઝે,
કર પ્રસારી સ્હેજ સંકોરું તેજથી પાછા ઝૂઝે;

તમરાંના ત્રમકારથી ઝાઝું
         બોલતું આખું આભ તો મૂંગું. દિવસે.

એક સપાટે લસરી આવ્યો લસતી ચાંદની ધારે,
ભૂલમાં હું તો ઊતરી આવ્યો રાતરાણીના ક્યારે;
મ્હેક મારામાં એમ ભળી કે
         ઘેનમાં હું તો મુજને સૂંઘું! દિવસે.

(આ નભ ઝૂક્યું, પૃ. ૭૩)