કાવ્ય-આચમન શ્રેણી – હસમુખ પાઠક/૪૯. વહાલ

૪૯. વહાલ

કેટકેટલું વહાણ ધરું
પ્રભુ ઓરા આવો!
ચંદ્ર-સૂર્યનું તેજ-ભરેલું,
ગ્રહ-તારાનું શાંત-ઠરેલું,
આતમનું મન-પાર-વરેલું વહાલ ધરું,
પ્રભુ ઓરા આવો!
દેવકીમાનું દૂધ-ચીતર્યું,
જસોદામાનું માખણ-નીતર્યું,
ગોપ-ગોપીનું ઘૃત ભીંજવેલું વહાલ ધરું,
પ્રભુ ઓરા આવો!
સૌનું થોડું થોડું ચાખ્યું,
રાધાનું જે બાકી રાખ્યું,
કિંકર હસમુખ પાસે માગ્યું વહાલ ધરું,
પ્રભુ ઓરા આવો!

૨૨ સપ્ટેમ્બર ૨૦૦૨
⁠(એકાન્તિકી, પૃ. ૪૪)