કોડિયાં/મંદિર
Jump to navigation
Jump to search
0 0 0
મંદિર
કનકમૂર્તિમહીં દેવ દેખું નહિ;
દીપમાં ગરીબનાં દુ:ખ ધ્રૂજે!
ઘંટનાદો સૂણી ભક્તિ ના પ્રકટતી,
શંખમાં કોટિ નિશ્વાસ કૂજે! ધ્રુવ0
અંત્યજો પગથિયે ભક્તિભીનાં રડે;
દેવનાં દ્વાર કાળાં વસતાં!
નિધનના નાથ, બેલી પિડીતોતણા;
ધનિકના પંજિરોમાં પૂરાતા! — કનકમૂર્તિ0
એ ન મંદિર રહ્યાં, કેદખાનાં થયાં,
જન-હૃદયના ન ધબકાર બોલે!
વેધી ઘુમ્મટ, ત્યજી દેહ રત્ને રચ્યા,
ઝૂંપડે, ઝૂંપડે દેવ ડોલે! — કનકમૂર્તિ0
19-2-’31