બાળ કાવ્ય સંપદા/નિશાળ (૨)
Jump to navigation
Jump to search
નિશાળ
લેખક : કિરીટ ગોસ્વામી
(1975)
અહીં એક એક ડાળખી નિશાળ...
રોજ રોજ પંખી-નિશાળિયાં,
કલરવનો કક્કો બોલે પ્રાતઃકાળ !
આખું આકાશ જુએ છાનુંછપ છાનુંછપ
એમ જ જોયા કરતી માટી....
હોંશે હોંશે વાંચે ધ્યાન દઈ રોજ પવન
પાંદડાંની લીલીછમ પાટી...
કોઈ કોઈ વાર વળી, આવે ચેકિંગમાં,
વાદળીઓ પેલી નખરાળ !
“કાબર કજિયાળી છે, ‘ચકલી છે ઠોઠ’
નથી એવી ફરિયાદ કોઈ કરતું...
કોયલડી ટહુકે ને હોલાજી ગાય
છતાં લેસન ના કોઈનું
નોટ, પેન, દફતર - ના સામગ્રી કાંઈ,
ફક્ત હૈયાં છે સૌનાં વિશાળ !