મંગલમ્/એવા ગાંધી ગુજરાતે

એવા ગાંધી ગુજરાતે

એવા ગાંધી ગુજરાતે ઊતર્યા રે,
એનું સૂકું શરીર જાણે લાકડી રે,
⁠માંહે હતો જોરાવર જીવ. — એવા ગાંધી૦
એણે ઘેર ઘેર રેંટિયા મોકલ્યા રે,
⁠લેવા સૂતરને તાંતણે સ્વરાજ્ય.⁠ — એવા ગાંધી૦
એણે સાદાઈ શીખવી દેશને રે,
⁠દારૂ, તાડી કરાવ્યાં દૂર. — એવા ગાંધી૦
એ તો જાણે સોનિડો દેશનો રે
⁠નવજીવન તણો ઘડનાર. — એવા ગાંધી૦
એનો અન્ય જનમ ધન્ય જીવવું રે
⁠માતાએ ઉપાડ્યો ધન્ય ભાર. — એવા ગાંધી૦
એનો મોંઘો આદેશ લોકો ઝીલતાં રે
⁠બોલી ભારતનો જય જયકાર. — એવા ગાંધી૦