મંગલમ્/શીંગોડાં… શીંગોડાં

શીંગોડાં… શીંગોડાં

શીંગોડાં… શીંગોડાં
અમને આપો થોડાં.
એક પછી એક આવો નહિ તો…
પડી જાશો મોડાં, મોડાં, મોડાં… મોડાં…
એક શીંગોડું એવું, મમ્મી, મમ્મી, પપ્પા કરતું;
બા, બા, બાપુ કરતું, આખો દિવસ રડતું,
બોલો જી તમને ગમતું? ના…ના…ના… શીંગોડાં૦
એક શીંગોડું એવું, સૌની સાથે લડતું;
બટકાં ભરતું, ચૂંટલા ભરતું;
આખો દિવસ બાઝતું,
બોલો જી તમને ગમતું? ના…ના…ના… શીંગોડાં૦
એક શીંગોડું એવું, આખો દિવસ રમતું,
બોલો જી તમને ગમતું? હા…હા…હા… શીંગોડાં૦
એક શીંગોડું એવું, આખો દિવસ હસતું,
ભલેને સુખ હોય;
ભલેને દુઃખ હોય;
તોયે રહેતું હસતું,
બોલો જી તમને ગમતું? હા…હા…હા… શીંગોડાં૦