નયન હ. દેસાઈની કાવ્યસંપદા/રિસાયેલાં રાજવણનું ગીત

રિસાયેલાં રાજવણનું ગીત

સાવ સૂનું આકાશ ને એમાં એકલતાની ચીસ

કે, રાજવણ આવી તે હોય રીસ?

ઢળે ઢોલિયા રાત સૂએ નહીં  : બહાનાંઓ બત્રીસ

કે, રાજવણ આવી તે હોય રીસ?

⁠ઊમ્બર માંગો :આંગણ દઈ દઈએ
⁠પાદર માંગો : પાટણ દઈ દઈએ
⁠માંગો અભરે રાજ
કિન્તુ સુકા ઘાસની વચ્ચે મુકાય કૈં માચીસ?

કે, રાજવણ આવી તે હોય રીસ?

⁠ઝૂરે ઝરૂખો ઝૂરે અટારી
⁠હરેક પગરવ બન્યા કટારી
⁠દિલનો સૂનો સાજ
એકલતાના ખેલમાં કોને સંભળાશે અબ્બીસ?

કે, રાજવણ આવી તે હોય રીસ?