View source for સિગ્નેચર પોયમ્સ/—તો આવ્યાં કને – ચન્દ્રકાન્ત શેઠ

{{SetTitle}}
<poem>
<center><big><big>'''—તો આવ્યાં કને'''</big></big>
'''ચન્દ્રકાન્ત શેઠ'''
{{Block center|
શોધતો હતો ફૂલ ને ફોરમ શોધતી હતી મને, 
એકબીજાને શોધતાં ગયાં દૂર, તો આવ્યા કને.

{{Gap}}ક્યાંક રે આંબો ટહુક્યો
{{gap|4em}}એની વનમાં મ્હેકી વાત, 
{{gap}}કમળ જેવો ખીલતો દિવસ,
{{gap|4em}}પોયણા જેવી રાત.

શોધતો રહ્યો ચાંદ ને રહી ચાંદની શોધી મને,
એકબીજાને શોધતાં ગયાં દૂર, તો આવ્યાં કને.

{{Gap}}આંખ મીંચું ત્યાં
{{gap|4em}}જૂઈનું ગાલે અડતું ઝાકળફૂલ,
{{Gap}}મનમાં હળુક લ્હેરવા લાગે 
{{gap|4em}}વ્યોમથી કિરણ-ઝૂલ.

શોધતો જેની  પગલી એનો મારગ શોધે મને,
એકબીજાને શોધતાં ગયાં દૂર, તો આવ્યાં કને.
}}
</poem>
<br>
{{HeaderNav2
|previous = તડકો – લાભશંકર ઠાકર
|next = કન્યાવિદાય – અનિલ જોશી
}}