View source for – અને ભૌમિતિકા/રાત્રે ઑફિસ

{{SetTitle}}

{{Heading|રાત્રે ઑફિસ}}

<poem>

... .... સ્વિચ્.
અજવાળું અવાજતા ટ્યુબલાઈટોના ધોળા સાપ
... ... ચૂપ.
અંધારું ઝબકીને જાગી ઊઠે
ને બ્લૉટીંગ પરની ગોકળગાય તગડી થાય.
બોબડા-બ્હેરા રિસીવરના સૂઝી ગયેલાં
કાન-હોઠના થર ઉપર થર બાઝે,
કોલબેલની ડીંટટી ઉપર
ચોંટી ગયેલા પટાવાળાના કરડા કાન;
કાચનાં પેપર-વેઈટ થઈ ટેબલ પર પડી રહેલી
બૉસની આંખો.
ટાઇપિસ્ટ ખુરસીની માંજરી કીકીઓ... ...
હરતાં ફરતાં ટેબલ તાકે...
સ્મિત તો સોપારી મમળાવે.
ટેબલફેનની પાંખો છાતીના પિંજરમાં બંધ.
આખો ય દિવસ સંભોગાતી ફાઈલોને
ફુરસદ ફળે,
અંધારું પીતી કલમમાંના અક્ષરો ગર્ભાય,
કેલેન્ડરને કીકી બદલવાનું કામ.
ઘડિયાળી લુહાર
સૂરજનું ચકતું ટીપ્યા કરે... ટીપ્યા કરે...
આખી ય રાત અંધારું
અજવાળાનો કાગળ ટાઇપ કર્યા કરે.

{{Right|૨૬-૧૨-૧૯૭૦}}

</poem>

<br>
{{HeaderNav2
|previous = બાટલી
|next = ડેન્ટલ ક્લિનિકમાં
}}