View source for અર્વાચીન ગુજરાતી કાવ્યસંપદા/પ્રીતિ શાહ-સેનગુપ્તા/અરણ્ય-રુદન

{{SetTitle}}

{{Heading|અરણ્ય-રુદન|પ્રીતિ શાહ-સેનગુપ્તા}}
<poem>
પર્વત પર ચડીને
શિખરોને ધક્કા મારી મારીને
ગબડાવી દેવાં છે,
દરિયાને ખાલી કરીને રણમાં
વહાવી દેવા છે,
હવાના મહેલોને
મુઠ્ઠીએ મુઠ્ઠીએ
તોડી નાખવા છે,
રાત-દિવસના પડછાયાઓને
પૃથ્વીના પેટાળમાં
દાબી દેવા છે.
અને પછી, મા,
તમારા ખોળામાં
મોઢું સંતાડી
છાતીફાટ રડી લેવું છે.
{{Right|(ખંડિત આકાશ, ૧૯૮૫ પૃ. ૭૨)}}
</poem>


{{HeaderNav
|previous=[[અર્વાચીન ગુજરાતી કાવ્યસંપદા/નીતિન મહેતા/કાવ્ય (પછી ચાલી જવાનું...)  | કાવ્ય (પછી ચાલી જવાનું...) ]]  | પછી ચાલી જવાનું નક્કી કર્યું થોડું પાણી પીધું ]]
|next=[[અર્વાચીન ગુજરાતી કાવ્યસંપદા/પ્રીતિ શાહ-સેનગુપ્તા/થાક | થાક]]  | ચાલતાં ચાલતાં ખૂબ દૂર નીકળી આવી છું.]]
}}