View source for કંસારા બજાર/પડછાવું

{{SetTitle}}
<center><big><big>'''પડછાવું'''</big></big></center>

<poem>
આ પ્રકાશ
રોજ આવી જાય છે ઘરમાં.
સૂરજનો હોય કે પછી
આખી રાત બહાર ચાલુ રહેતી સ્ટ્રીટ લાઈટનો –
પથરાઈ જાય છે, ભીંતો પર.
બદલાય છે રૂમ પ્રમાણે,
વહેંચાય છે બારીના સળિયા પ્રમાણે,
તૂટે છે દરવાજા પ્રમાણે. એને આવડે માત્ર પડછાવું.
બારી સામેની ભીંત પર
એ પડછાય છે, અદલ બારી બનીને.
રૂમની વચ્ચોવચ, હું ઊભી રહું છું મૂંઝાયેલી.
આખરે નક્કી કરું છું કે,
આ જ બારી સાચ્ચી,
અને કૂદી પડું છું એ બારીમાંથી બહાર.
પડછાયાની બારી,
રોજ મને આપે છે,
એક નવું જીવતદાન.
</poem><br>
{{HeaderNav2
|previous = સહશયન
|next = પ્રવેશદ્વાર
}}