View source for ખારાં ઝરણ/શ્વાસ થાક્યા દોડીને હદ બહારનું

{{SetTitle}}
<center><big><big>'''શ્વાસ થાક્યા દોડીને હદ બહારનું'''</big></big></center>

<poem>
શ્વાસ થાક્યા દોડીને હદ બહારનું,
શોધ સરનામું હવે અંધારનું.

આંખ શું મસળી રહ્યો છે, આંધળા?
રૂપ અપરંપાર મારા યારનું.

રૂ-બ-રૂ મળવાની મારી જિદ્દ છે,
એ જ કારણ આપણી તકરારનું.

ચાડિયા ઊભા કરો છો ખેતરે?
કૈં વિચાર્યું પંખીના ધબકારનું?

હોય હિંમત, થા પ્રગટ ‘ઇર્શાદ’માં-
ને પછી જો દૃશ્ય આ સંસારનું.

૧૫-૮-૨૦૦૯
</poem><br>
{{HeaderNav2
|previous = ઝીણી ઝાણી છાંટ છે વરસાદની
|next = છે ધધખતું પણ ઉપરથી શાંત, હોં
}}