View source for ધ્વનિ/પેલાં આછેરાં વાદળ આવી ઊતરે છે ક્યાં ય

{{SetTitle}}

{{Heading|૪૩. પેલાં આછેરાં વાદળ આવી ઊતરે છે ક્યાં ય}}

{{Block center|<poem>
પેલાં આછેરાં વાદળ આવી ઊતરે છે ક્યાંય! 
પલમાં તડકો ને પલમાં વરસે રે છાંય! 
{{gap}}મારો કદંબની ડાળે હાલર હીંચકો, 
{{gap|3em}}ઝૂલે પૂરવની પાળે, 
{{gap|3em}}ઝૂલે આથમણે આરે, 
એ તો બેઉ રે બાજુના વાયુ વીંઝતો; 
એ તો ગતની સંગાથ ગાય રે આગમની ઝાંય! 
{{gap}}પલમાં તડકો ને પલમાં વરસે રે છાંય! 

મારી નાની રે વાડીને ક્યારે વ્હાલસોયાં ફૂલ! 
પરાગે પ્હેર્યાં છે જાણે રેશમી દુકૂલ! 
{{gap}}મારાં નયણાં ઉત્સવ રૂડે માણતાં, 
{{gap|3em}}ભૂલી પલ પલકાર, 
{{gap|3em}}જાય રે અલખને દ્વાર, 
વળતાં સૂના રે હૈયાની ઊણપ આણતાં. 
આ રે ફૂલની તે સોડ માંહીં સણકે છે શૂલ! 
{{gap}}નાની રે વાડીને ક્યારે વ્હાલસોયાં ફૂલ! 

હું તો એકને પામું ને અવર કાજ રે અધીર! 
ઝૂલણો ઝૂલે રે બેઉ ક્ષિતિજને તીર! 
{{gap}}જેને કાજ રે જીવન કેરી ચાહના, 
{{gap|3em}}ઓરાં રૂપ, ઓરો સૂર 
{{gap|3em}}તો ય તે દૂરનું યે દૂર, 
પલમાં ગમતું ને પલમાં રે'વાય ના. 
આ રે હોઠ બે હસે ને નયણાં નીતરે છે નીર! 
{{gap}}ઝૂલણો ઝૂલે રે બેઉ ક્ષિતિજને તીર! 

પેલાં આછેરાં વાદળ આવી ઊતરે છે ક્યાંય! 
પલમાં તડકો ને પલમાં વરસે રે છાંય! 
{{right|૨૪-૪-૫૦ }}</poem>}}
<br>
{{HeaderNav2
|previous = એક દિન સામેને તીરે બાંધી તેં બેડલી 
|next = આપણે આવળ બાવળ બોરડી 
}}