View source for ભરત વિંઝુડાની ગઝલસંપદા/સપનામાં આવશો

{{SetTitle}}
{{Heading|૨૩<br>
સપનામાં આવશો}}

{{Block center|<poem>
સામે રહો નહીં તો સપનામાં આવશો
નક્કી નહીં કે કેવી ઘટનામાં આવશો

જળનું ટીપું હશો તો ઝરણામાં આવશો
ને જો નદી થશો તો દરિયામાં આવશો

ચારે તરફ તમોને જોયા કરું છતાં
ક્યારે કહી દો મારી દુનિયામાં આવશો

ચીતરેલાં ક્યાંય એમાં હોતાં નથી જ ઘર
અફસોસ કે નગરના નકશામાં આવશો

પહેલી પસંદગી છો તો એ મુજબ રહો
બહુ દુઃખ થશે તમે જો અથવામાં આવશો

<small>{{right|(મેં કહી કાનમાં જે વાત તને)}}</small></poem>}}
<br>
{{HeaderNav2
|previous =  મન એમનું
|next = હરિ આવ્યા હશે
}}