View source for સિગ્નેચર પોયમ્સ/અમર આશા – મણિલાલ નભુભાઈ દ્વિવેદી

{{SetTitle}}
<poem>
<center><big><big>'''અમર આશા'''</big></big>
'''મણિલાલ નભુભાઈ દ્વિવેદી'''
{{Block center|
કહીં લાખો નિરાશામાં, અમર આશા છુપાઈ છે;
ખફા ખંજર સનમનામાં, રહમ ઊંડી લપાઈ છે. {{right|– કહીં}}

જુદાઈ જિંદગીભરની, કરી રો રો બધી કાઢી;
રહી ગઈ વસ્લની આશા, અગર ગરદન કપાઈ છે. {{gap|1em}}{{right|– કહીં}}

ઘડી ના વસ્લની આવી, સનમ પણ છેતરી ચાલી;
હજારો રાત વાતોમાં, ગમાવી એ કમાઈ છે.{{right|– કહીં}}

જખમ દુનિયા જબાનોના, મુસીબત ખોફનાં ખંજર;
કતલમાંયે કદમબોશી, ઉપર કયામત ખુદાઈ છે. {{right|– કહીં}}

શમા પર જાય પરવાના, મરે શીરીં ઉપર ફરહાદ;
અગમ ગમની ખરાબીમાં, મજેદારી લૂંટાઈ છે. {{right|– કહીં}}

ફના કરવું ફના થાવું, ફનામાં શહ્ સમાઈ છે;
મરીને જીવવાનો મંત્ર, દિલબરની દુહાઈ છે. {{right|– કહીં}}

ઝહરનું નામ લે શોધી, તુરત પી લે ખુશીથી તું;
સનમના હાથની છેલ્લી, હકીકતની રફાઈ છે. {{right|– કહીં}}

સદા દિલના તડપવામાં, સનમની રાહ રોશન છે;
તડપતે તૂટતાં અંદર, ખડી માશૂક સાંઈ છે. {{right|– કહીં}}

ચમનમાં આવીને ઊભો, ગુલો પર આફરીં થઈ તું;
ગુલોના ખારથી બચતાં, બદનગુલને નવાઈ છે. {{right|– કહીં}}

હજારો ઓલિયા મુરશિદ, ગયા માશુકમાં ડૂબી;
ન ડૂબ્યા તે મૂઆ એવી કલામો સખ્ત ગાઈ છે. {{right|– કહીં}}
}}
</poem>
<br>
{{HeaderNav2
|previous = ગુજારે જે – બાળાશંકર કંથારિયા
|next = મંગલ મંદિર – નરસિંહરાવ દિવેટિયા
}}