કાવ્ય-આચમન શ્રેણી – રાવજી પટેલ/૩૧.તમે રે તિલક રાજા રામના

૩૧.તમે રે તિલક રાજા રામના

તમે રે તિલક રાજા રામના
અમે વગડાનાં ચંદન કાષ્ઠ રે;
તમારી મશે ના અમે સોહિયાં –
કેવાં કેવાં દઃખ સાજણ તમે રે સહ્યાં ?
કહોને સાજણ દઃખ કેવાં સહ્યાં !
તમે રે ઊંચેરો ઘરના ટોડલા !
અમે લજવાતી પાછલી રવેશ રે;
તમારી મશે ના અમે સોહિયાં –
કેવાં કેવાં દઃખ સાજણ તમે રે સહ્યાં ?
કહોને સાજણ દઃખ કેવાં સહ્યાં ?
તમે રે અખશર થઈને ઊકલ્યા !
અમે પડતર મૂંઝારા ઝીણી છીપના;
તમારી મશે ના અમે સોહિયાં –
કહોને કહોને દઃખ કેવાં પડ્યાં ?
(અંગત, પૃ. ૫૦)