ગુજરાતી ગઝલસંપદા/ પારુલ બારોટ: Difference between revisions

From Ekatra Wiki
Jump to navigation Jump to search
(Created page with "{{SetTitle}} {{Heading| પાર‌‌ુલ બારોટ |}} <poem> હું પતંગ ને તું પવન થઈ જાય તો કેવું સરસ. આભમાં પુષ્પો ખીલી પથરાય તો કેવું સરસ.<br> કાપવાને લૂંટવાની વાતને બાજુ મૂકી, બાંધવાની રીત બસ સચવાય તો કેવું સરસ.<br> કોઈ...")
 
(No difference)

Revision as of 10:38, 16 January 2023


પાર‌‌ુલ બારોટ

હું પતંગ ને તું પવન થઈ જાય તો કેવું સરસ.
આભમાં પુષ્પો ખીલી પથરાય તો કેવું સરસ.

કાપવાને લૂંટવાની વાતને બાજુ મૂકી,
બાંધવાની રીત બસ સચવાય તો કેવું સરસ.

કોઈ ખૂણો ક્યાંય ના કોરો રહે બસ એ રીતે,
રંગનો દરબાર અહીં છલકાય તો કેવું સરસ.

તું મને નટખટ બનીને કાનમાં જે કહી ગયો,
વાત એ તનમન સુધી પડઘાય તો કેવું સરસ.

આવ આખી જાત ઓઢાડી દઉં નખશિખ તને,
લટ ઘટા ઘનઘોર શું? સમજાય તો કેવું સરસ.