શાંત કોલાહલ/ફાગણ: Difference between revisions
Jump to navigation
Jump to search
ફાગણ
(+created chapter) |
(પ્રૂફ રીડિંગ સંપન્ન) |
||
| Line 13: | Line 13: | ||
એ જી જુગલ વાંસળી વાજતી કોઈ ફાગણ લ્યો, | એ જી જુગલ વાંસળી વાજતી કોઈ ફાગણ લ્યો, | ||
એને નહીં મલાજો લાજ રે કોઈ ફાગણ લ્યો | એને નહીં મલાજો લાજ રે કોઈ ફાગણ લ્યો. | ||
એ જી દિન કપરો કંઈ તાપનો કોઈ ફાગણ લ્યો, | એ જી દિન કપરો કંઈ તાપનો કોઈ ફાગણ લ્યો, | ||
એની રાત ઢળે રળિયાત રે કોઈ ફાગણ લ્યો. | એની રાત ઢળે રળિયાત રે કોઈ ફાગણ લ્યો. | ||
Revision as of 23:08, 13 April 2023
એ જી ફાગણ આવ્યો ફાંકડો કોઈ ફાગણ લ્યો,
એનો વાંકડિયો છે લાંક રે કોઈ ફાગણ લ્યો.
એ જી આંબાની મ્હોરી મંજરી કોઈ ફાગણ લ્યો,
એવાં સરવર સોહે કંજ રે કોઈ ફાગણ લ્યો.
એ જી દરિયા દિલનો વાયરો કોઈ ફાગણ લ્યો,
એ તો અલમલ અડકી જાય રે કોઈ ફાગણ લ્યો.
એ જી જુગલ વાંસળી વાજતી કોઈ ફાગણ લ્યો,
એને નહીં મલાજો લાજ રે કોઈ ફાગણ લ્યો.
એ જી દિન કપરો કંઈ તાપનો કોઈ ફાગણ લ્યો,
એની રાત ઢળે રળિયાત રે કોઈ ફાગણ લ્યો.
એ જી ઊડે કસુંબો આંખમાં કોઈ ફાગણ લ્યો,
એને વન પોપટની પાંખ રે કોઈ ફાગણ લ્યો.
એ જી ગગન ગુલાબી વાદળાં કોઈ ફાગણ લ્યો,
જોબનિયું કરતું સાદ રે કોઈ ફાગણ લ્યો.
એ જી ફાગણ આવ્યો ફાંકડો કોઈ ફાગણ લ્યો,
એનો વાંકડિયો કંઈ લાંક રે કોઈ ફાગણ લ્યો.