જયદેવ શુક્લની કવિતા/માગશરની અમાવાસ્યા: Difference between revisions
Jump to navigation
Jump to search
માગશરની અમાવાસ્યા
(+1) |
(No difference)
|
Latest revision as of 01:07, 29 February 2024
આકાશનાં
લાખ્ખો, કરોડો,
અબ્બજો કાણાં
ચમકતા બરફથી
પુરાઈ ગયાં છે.
કાંટાળા અન્ધકારમાં
એ
અસંખ્ય વિકરાળ પ્રાણીઓની
આંખ જેવાં
ચમકે છે.
ગોટેગોટ અન્ધકાર
વધુ ને વધુ છવાતો જાય છે.
કાળા કાળા ગઠ્ઠા
આમતેમ અથડાય છે.
શ્વાસ ડચુરાય છે.
જો સૂરજ ઊગે તો...
કદાચ...
સવારે
સૂરજ પણ બરફનું ગચ્ચું બની જાય તો?
કાંટાળા અન્ધકારમાં
દીવા-સળી શોધું છું
વાટ જડતી નથી.