મનોહર ત્રિવેદીનાં કાવ્યો/મૂકી જો: Difference between revisions

From Ekatra Wiki
Jump to navigation Jump to search
(Created page with "{{SetTitle}} <center><big><big>'''મૂકી જો'''</big></big></center> <poem> એક પલ્લે સ્વભાવ મૂકી જો ત્રાજવાં પર પ્રભાવ મૂકી જો જે હશે તે જ તે કહી દેશે– દર્પણે હાવભાવ મૂકી જો પ્રેયસી જેવું જ વિશ્વ સુંદર છે તું જરી તો લગાવ મૂકી...")
 
(No difference)

Latest revision as of 00:40, 5 March 2024

મૂકી જો

એક પલ્લે સ્વભાવ મૂકી જો
ત્રાજવાં પર પ્રભાવ મૂકી જો

જે હશે તે જ તે કહી દેશે–
દર્પણે હાવભાવ મૂકી જો

પ્રેયસી જેવું જ વિશ્વ સુંદર છે
તું જરી તો લગાવ મૂકી જો

ઘર બને છે પછી જ સાચું ઘર
બારણે આવ-જાવ મૂકી જો

શ્હેર વસ્તી વગરનું થૈ જાશે
આપણો ત્યાં અભાવ મૂકી જો

ડૂબશે કે જશે કિનારા પર?
તારું છે કામ : નાવ મૂકી જો

એમનો અણબનાવ ભૂલી તું
પ્રેમનો રખરખાવ મૂકી જો

ઘાવ કરજે પછી જ બીજા પર
ત્યાં તું તારા જ ઘાવ મૂકી જો

‘મ્હેક પોત કને તું રાખી લે’
પુષ્પ સામે સુઝાવ મૂકી જો