અનુનય/પહેલી વર્ષા: Difference between revisions
Jump to navigation
Jump to search
પહેલી વર્ષા
(+1) |
(No difference)
|
Latest revision as of 02:53, 26 April 2024
પ્હોળી પલાંઠીએ બેઠેલા
પાંખ વગરના પ્હાડ
આજ તો વાદળ સાથે ઊડે!
સેર-પાતળી નદી આજ તો
હણહણતા જલઘોડામુખનાં
ફીણ ફીણમાં બૂડે!
ભૂખરાં ભરભર ઢેફાં
આજે સુગંધભીનાં
જરા નાકથી ચાખો
કેવાં ગળ્યાં ગળ્યાં!
મૂંગાં મૂંગાં ઝાડ આજ તો
પાન હથેળીમાં ફોરાંની
ટપાક તાળી ઝીલે, પવનથી
અલકમલકની વાતે વળ્યાં!
અને અમે,
છાપરું ગળતું નથીને?!
બધી બારીએ બંધ કરીને?!
કરી ખાતરી
કોરી કોરી પથારીઓમાં પળ્યાં!
૮-૬-’૭૫