છોળ/પ્રસવ: Difference between revisions
Jump to navigation
Jump to search
પ્રસવ
(+1) |
(No difference)
|
Latest revision as of 23:52, 1 May 2024
પડી પડી
અકળાય પાતળી
કલમ પ્રસવની વેણે…
ચિંતાતુર કંઈ
હાથ વિચારે
પાંચે આંગળિયે પસવારે.
વ્હાલે ફૂટડી કાય
સ્હાય તે કરવી શેણે?!
વેણ પરે શી વેણ,
કહીં તે જરી પડે ના ચેન,
કેટલી દૂર હજીયે
ઘડી પુનિત એ
અવસર કેરી?
પૂરી વેળ જનમ…
ને હેરે હાથ-કલમ
ઊભરતાં હેજે,
સાવ સુંવાળી કાગળ-સેજે,
શબદ રૂપાળા સૂતા ભીનેવાન
કાન શાં નમણા નાકે-નેણે!
૧૯૯૮