તારાપણાના શહેરમાં/ઘરની બહાર: Difference between revisions
Jump to navigation
Jump to search
(+1) |
(No difference)
|
Latest revision as of 02:17, 13 May 2024
ઘરની બહાર
જે વિતાવી ના શક્યા એકેય ક્ષણ ઘરની બહાર
સાંભળ્યું છે કે વસ્યાં છે એનાં રણ ઘરની બહાર
બારી, દરવાજા, હવાજાળીય વાસેલી હતી
તે છતાં સરકી ગયું વાતાવરણ ઘરની બહાર
આમ પણ ઘરમાં ન જાણે ઊંઘ ક્યારે આવશે
તો પછી ચાલોને કરીએ જાગરણ ઘરની બહાર
ઝાંઝવાઓ જેમ આવ્યાં તેમ પાછાં નીકળો
દોડતું ચાલ્યું ગયું હમણાં હરણ ઘરની બહાર
મેં બીજાનો ખ્યાલ રાખ્યો હોય તો કહેવાય નહિ
કેમ જુદું હોય છે મારું વલણ ઘરની બહાર
આ ઉપેક્ષિત બારણાંને કાંઈ કહેશો નહિ ‘ફના’
એમને જોવા દે કોઈનાં ચરણ ઘરની બહાર