હેમંત ધોરડાનાં ચૂંટેલાં કાવ્યો/મારી ભીનપ એના કિરણોથી વધાવી લઈ જશે: Difference between revisions
Jump to navigation
Jump to search
મારી ભીનપ એના કિરણોથી વધાવી લઈ જશે
(+1) |
(No difference)
|
Revision as of 02:43, 3 June 2024
મારી ભીનપ એના કિરણોથી વધાવી લઈ જશે
ભરબપોરે સાત રંગોમાં સજાવી લઈ જશે.
અંધકારે આ અટકવું આ ભટકવું ડગ ડગર
ઝળહળીને ખુદ મને એ ઝગમગાવી લઈ જશે.
સ્થિરપણે એકીટશે એને સતત જોયા કરું
એ મને જોશે ને આંખો પટપટાવી લઈ જશે.
પાંખડી પર ઝીલી લેશે ઝીણી ઝાકળમાં મને
એ મને ઝરમરમાં પાંપણ પર ઉઠાવી લઈ જશે.
ફીણ થઈને એ છવાશે મારી માટી પર પ્રથમ
ને પછી મોજામાં આવીને વહાવી લઈ જશે.
શબ્દ પણ મારા બધા એના ને મારું મૌન પણ
લઈ જશે મારી ગઝલ પણ ગુનગુનાવી લઈ જશે.