મંગલમ્/આંબો ઘટાદાર

આંબો ઘટાદાર

આંબો ઘટાદાર, એની કેરી મજેદાર,
રસદાર, કસદાર, લીલી-પીળી રંગદાર,
આજે લાગે લીલી-લીલી, કાલે થાશે પીળી-પીળી,
⁠ભાઈ મારો ખાશે ત્યારે,
⁠જોઈ જોઈ મીઠી મીઠી…આંબો૦

કનુ-મનુ ભેગા થાય, સાથે સૌ એ જોવા જાય,
આજે કે૨ી કાચી, કાલે થાશે પાકી,
⁠આજે જાણે આંબાડાળ,
⁠પહેરી છે મોતીની માળ…આંબો૦

વા પવન વા, ગા કોયલ ગા,
પહેરી આજે આંબાડાળ,
⁠સુગંધી મોતીની માળ…આંબો૦

બેબીબહેન ખાશે કેરી, બચુભાઈ ખાશે કેરી,
પાકી પાકી કેરી, મીઠી મીઠી કેરી,
⁠આજે એમાં ગોટલી,
⁠કાલે રસ રોટલી…આંબો૦