મંગલમ્/કોણે?…

કોણે?…

મારા આંગણાં (૨) ખીલતાં ફૂલ
⁠કે ભાઈને પૂછે બહેન,
⁠કે બહેનને પૂછે ભાઈ,
⁠કે રંગ આ કોણે પૂર્યા? મારા…

કેસરિયા રંગના ઝૂમે છે છોડવા
વહાલાં વહાલાં ફૂલડાં ગમે ના તોડવાં
એ તો આંગણામાં (૨) ઓપતાં અમૂલ.
⁠કે રંગ આ કોણે પૂર્યા? મારા…

કુદરતના વનમાં નિત નવાં ખીલતાં
બાગમાં શોભતાં બગીચામાં ડોલતાં
એ તો મઘમઘતાં (૨) ડોલતાં ફૂલ
⁠કે રંગ આ કોણે પૂર્યા? મારા…

દેવના મંદિરિયે બહેનીની વેણીએ
શાળાના ચોકમાં વાડીના ખેતરે
એ તો ફોરતાં’તાં (૨) આંગણામાં ફૂલ
⁠કે રંગ આ કોણે પૂર્યા? મારા…