બાળ કાવ્ય સંપદા/ડૉક્ટર હાથી: Difference between revisions
Jump to navigation
Jump to search
No edit summary |
m (Meghdhanu moved page બાળ કાવ્ય સંપદા/ડોક્ટર હાથી to બાળ કાવ્ય સંપદા/ડૉક્ટર હાથી without leaving a redirect: જોડણી) |
(No difference)
| |
Revision as of 13:55, 16 September 2025
ડૉક્ટર હાથી
લેખક : રિયાઝ દામાણી
(1981)
ડૉક્ટર હાથી કહે કીડીબેન! હમણાં ગળપણ લેશો મા
સૂગર તમને ખૂબ વધે છે. બી. પી. વધવા દે’શો મા
ધબકારા છે તેજ ગતિમાં, પગમાં પણ છે સોજા
ઠંડી હમણાં ખૂબ પડે છે પહેરો સ્વેટર મોજાં
હળવે – હળવે કસરત કરજો, નહીં ઊંચકશો બોજા
ખાજો – પીજો હરફર કરજો, પણ ચિંતામાં રે’શો મા
ડૉક્ટર હાથી કહે કીડીબેન! હમણાં ગળપણ લેશો મા
સૂગર તમને ખૂબ વધે છે. બી. પી. વધવા દે’શો મા
દવા લેજો સારું રહેશે નથી ઈન્જેક્શન દેવું
ફરી આવજો તપાસશું કે રહે છે તમને કેવું!
મારી ફી તો સો રૂપિયા છે, એમાં તે શું લેવું!
‘માંદી છું.. માંદી છું.. એવું ઘર ઘર જઈને કે’શો મા
ડૉક્ટર હાથી કહે કીડીબેન! હમણાં ગળપણ લેશો મા
સૂગર તમને ખૂબ વધે છે. બી. પી. વધવા દે’શો મા