સમગ્રમાંથી સઘન-વિવેચનશ્રેણી – મણિલાલ દ્વિવેદી/‘સમગ્રમાંથી સઘન-વિવેચનશ્રેણી’

‘સમગ્રમાંથી સઘન-વિવેચનશ્રેણી’

શ્રેણી સંપાદન: રમણ સોની

આ શ્રેણી વિશે

ગુજરાતી સાહિત્યમાં ઉત્તમ સર્જનાત્મક કૃતિઓનાં, સ્વરૂપવાર ઐતિહાસિક ક્રમે તથા સર્જકકેન્દ્રી, એમ અનેકવિધ સંચયો-સંપાદનો થતાં રહ્યાં છે, સમગ્ર ગુજરાતી વિવેચનમાંથી સાહિત્યવિચાર/તત્ત્વવિચારના મહત્ત્વના લેખોના પણ થોડાક સંચયો થયા છે, પરંતુ કોઈ વિવેચકવિશેષનાં સર્વ પુસ્તકો/લેખોમાંથી તારવીને એ વિવેચકના વિવેચનકાર્યનું એક અર્કરૂપ સઘન ચિત્ર ઉપસાવવાના પ્રયત્નો જવલ્લે જ થયા છે. આવાં સંપાદનો અભ્યાસીઓ, સંશોધકો, વિદ્યાર્થીઓને અધ્યયનસામગ્રી હાથવગી કરાવી આપવામાં પણ ઉપયોગી થાય, એ એનો આનુષંગિક લાભ છે. આવા વિચારથી, એકત્રના ઉપક્રમે અમે આ સઘન-વિવેચનલેખ-શ્રેણીનો પ્રકલ્પ આરંભ્યો છે. એ અનુસાર ગુજરાતી સાહિત્યના કેટલાક નીવડેલા અભ્યાસીઓને નિમંત્રણ અપાયું છે. આ વિદ્વાનો એમને સોંપેલા હોય એ, વિવેચકોના સમગ્ર વિવેચનમાંથી એક સઘન સંપાદન કરી આપે. આ રીતે વિવિધ અભ્યાસીઓ દ્વારા ગુજરાતીના મહત્ત્વના વિવેચકોને આવરી લેતાં અધ્યયન-નિષ્ઠ સંપાદનો, જેમજેમ તૈયાર થતાં જશે એમએમ એકત્રની વેબસાઈટ પર મુકાતાં જશે ને એકત્રના ઈ-ગ્રંથાલયમાં સમાવિષ્ટ થશે. – રમણ સોની

સમગ્રમાંથી સઘન-વિવેચનશ્રેણી

વિવેચક	સંપાદક
૧. નવલરામ પંડ્યા	રમણ સોની
૨. મણિલાલ દ્વિવેદી	અનંત રાઠોડ
૩. રમણભાઈ નીલકંઠ	સંધ્યા ભટ્ટ
૪. રામનારાયણ વિશ્વનાથ પાઠક	કીર્તિદા શાહ
૫. રામપ્રસાદ બક્ષી	અજય રાવલ
૬. વિશ્વનાથ ભટ્ટ	પ્રવીણ કુકડિયા
૭. સુન્દરમ્‌	કેસર મકવાણા
૮. ઉમાશંકર જોશી	મણિલાલ હ. પટેલ
૯. અનંતરાય રાવળ	દર્શના ધોળકિયા
૧૦. ભોગીલાલ સાંડેસરા	કીર્તિદા શાહ
૧૧. ચુનીલાલ મડિયા	મણિલાલ હ. પટેલ
૧૨. જયન્ત કોઠારી	રમણ સોની
૧૩. પ્રમોદકુમાર પટેલ	રમણ સોની
૧૪. લાભશંકર પુરોહિત	પ્રવીણ કુકડિયા
૧૫. ભોળાભાઈ પટેલ	રમણ સોની
૧૬. શિરીષ પંચાલ	પ્રવીણ કુકડિયા
૧૭. નીતિન મહેતા	સેજલ શાહ
૧૮. રમણ સોની	પ્રવીણ કુકડિયા