યાત્રા/ઝીણું ઝરણું

ઝીણું ઝરણું

આ એક અહીં ઝીણું ઝરણું,
કો વનપરીનું ભમતું ચરણું.
          આ એક અહીં ઝીણું ઝરણું.

કો પંખીડું કલકલ ટહુકે,
કો વેલ લચી ફુલફુલ ઝકે,
મારું મનડું માઝા આંહી મૂકે.
          આ એક અહીં ઝીણું ઝરણું.

કો સૌરભ વહી લાવી લહરી,
કો છલકી શી મધુની ગગરી,
મારી આંખ પીએ ઘૂંટઘૂંટ ભરી.
          આ એક અહીં ઝીણું ઝરણું.

ઓ સારસ જોડ ઊડી ગગને,
આ તરુવર ડોલી રહ્યાં પવને,
મારું સ્વપ્ન રમે જાણે આજ વને.
          આ એક અહીં ઝીણું ઝરણું.

૧૨ ઑક્ટોબર, ૧૯૪૭