અર્વાચીન ગુજરાતી કાવ્યસંપદા/સંસ્કૃતિરાણી દેસાઈ/એક કવિતા પૂરી કરું છું કે: Difference between revisions
Jump to navigation
Jump to search
MeghaBhavsar (talk | contribs) (Created page with "{{SetTitle}} {{Heading|એક કવિતા પૂરી કરું છું કે| સંસ્કૃતિરાણી દેસાઈ}} <poem> હું જેવ...") |
KhyatiJoshi (talk | contribs) No edit summary |
||
Line 33: | Line 33: | ||
{{Right|(સૂર્યો જ સૂર્યો, ૧૯૯૩, પૃ. ૪૦)}} | {{Right|(સૂર્યો જ સૂર્યો, ૧૯૯૩, પૃ. ૪૦)}} | ||
</poem> | </poem> | ||
{{HeaderNav | |||
|previous=[[અર્વાચીન ગુજરાતી કાવ્યસંપદા/રાજેન્દ્ર પટેલ/સપનાંને | સપનાંને]] | આવો જરા, અટકજો, પૂછજો, મજામાં!]] | |||
|next=[[અર્વાચીન ગુજરાતી કાવ્યસંપદા/સંસ્કૃતિરાણી દેસાઈ/એક કાવ્ય (યાદગીરીની લપસણી...) | એક કાવ્ય (યાદગીરીની લપસણી...)]] | યાદગીરીની લપસણી પર જઈ બેસું છું ]] | |||
}} |
Latest revision as of 11:20, 29 October 2021
એક કવિતા પૂરી કરું છું કે
સંસ્કૃતિરાણી દેસાઈ
હું જેવી એક કવિતા પૂરી કરું છું કે
તે આખો આકાર લઈ ઊભી થઈ જાય
કાગળ ઉપરથી.
સ્વપ્નપરીની વાત કરું છું તો
તેનું આકર્ષક રૂપ લઈ
મોહક અદાથી ચાલવા માંડે છે મારી સામે
આંખોથી ઇશારા કરતી.
મશ્કરા શબ્દોની વાત કરું છું તો
પાંચસાતની ટોળી ઊભી થઈ
મારી સામે મશ્કરી અને ટીખળ કરવા માંડે છે
ને પછી બધા જ નીકળી પડે છે વિશાળ દુનિયામાં.
એક દિવસ મેં રાક્ષસની વાત કરી કવિતામાં
ને તે ધીમે ધીમે આકાર લેવા માંડ્યો.
એટલો બધો ભયાનક ચીતર્યો હતો કે
મને થયું જેવી હું તેને પૂર્ણ કરીશ કે
કૂદી પડશે મારા ઉપર જ.
હવે હું ગભરાઈ, શું રસ્તો છે એનાથી બચવાનો?
ને મેં છેલ્લી પંક્તિ લખી જ નહીં,
પૂરી જ ન કરી કવિતા.
રાક્ષસ બિચારો હજી ઊભો છે
કાગળ સાથે પગ જકડાયેલો
છેલ્લી પંક્તિની રાહ જોતો.
(સૂર્યો જ સૂર્યો, ૧૯૯૩, પૃ. ૪૦)