મંગલમ્/બાજે મૃદંગ ઢોલ

બાજે મૃદંગ ઢોલ

બાજે મૃદંગ ઢોલ, બાજે પખવાજ ખોલ,
બાજે એ તંબૂરાના તાર,
⁠મંદિરમાં બાજે છે બંસરી …બાજે૦

સાંજ સંધ્યાનાં રૂપેરી વાદળે,
રંગેલી સોનેરી કોર,
સોનેરી કોરે, રૂપેરી વાદળે,
બાજે એ બંસરીના શોર
⁠મંદિરમાં બાજે છે બંસરી …બાજે૦

આવતાં અંધારાના કાળા ઓછાયે,
ચમકે છે આરતીની જ્યોત,
જ્યોતના પ્રકાશે, કાળા અંધારે,
બાજે એ બંસરીના શોર,
⁠મંદિરમાં બાજે છે બંસરી …બાજે૦

— જગદીશચંદ્ર વીરાણી