કાવ્યમંગલા/રંગરંગ વાદળિયાં

From Ekatra Wiki
Revision as of 10:11, 15 September 2022 by MeghaBhavsar (talk | contribs) (Created page with "{{SetTitle}} {{Heading|રંગરંગ વાદળિયાં| }} <poem> હાં રે અમે ગયા’તાં ::: હો રંગના ઓવારે, ::: કે તેજના ફુવારે, ::: અનંતના આરે, :::: કે રંગ રંગ વાદળિયાં. હાં રે અમે ઊડયાં ::: હો મોરલાના ગાણે, ::: કે વાયરાના વહાણે, :...")
(diff) ← Older revision | Latest revision (diff) | Newer revision → (diff)
Jump to navigation Jump to search
રંગરંગ વાદળિયાં

હાં રે અમે ગયા’તાં
હો રંગના ઓવારે,
કે તેજના ફુવારે,
અનંતના આરે,
કે રંગ રંગ વાદળિયાં.

હાં રે અમે ઊડયાં
હો મોરલાના ગાણે,
કે વાયરાના વહાણે,
આ શા ના સુકાને,
કે રંગ રંગ વાદળિયાં.

હાં રે અમે થંભ્યાં
હો મહેલના મિનારે,
પંખીના ઉતારે,
કે ડુંગરાની ધારે,
કે રંગ રંગ વાદળિયાં.

હાં રે અમે પહોંચ્યાં
હો આભલાને આરે,
કે પૃથ્વીની પાળે,
પાણીના પથારે,
કે રંગ રંગ વાદળિયાં.

હાં રે અમે નાહ્યાં
હો રંગના ઓવારે.
કે તેજના ફુવારે,
કુંકુંમના ક્યારે,
કે રંગ રંગ વાદળિયાં.

હાં રે અમે પોઢ્યાં
છલકતી છોળે,
દરિયાને હીંડોળે,
ગગનને ગોળે,
કે રંગ રંગ વાદળિયાં.

હાં રે અમે જાગ્યાં
ગુલાલ ભરી ગાલે,
ચંદન ધરી ભાલે,
રંગાયાં ગુલાલે,
કે રંગ રંગ વાદળિયાં.

હાં રે અમે નાચ્યાં
તારાના તરંગે ,
રઢિયાળા રંગે,
આનંદના અભંગે,
કે રંગ રંગ વાદળિયાં.

હાં રે અમે આવ્યાં
હો રંગ રંગ અંગે,
અનંત રૂપ રંગે,
તમારે ઉછંગે,
કે રંગ રંગ વાદળિયાં.

(૨૨ ઓગસ્ટ, ૧૯૩૨)