બાળ કાવ્ય સંપદા/ભમરડો
Revision as of 17:14, 9 April 2025 by Meghdhanu (talk | contribs) (Created page with "{{SetTitle}} {{Heading|ભમરડો|લેખક : નિર્મળાબહેન દાણી<br>(જ. વ. નથી...)}} {{Block center|<poem> લાલ, પીળો ભમરડો મારો ભમ્મર ભમ્મર ભમતો...(૨) નાનકડો છે અંગે તોયે મસ્ત બનીને ફરતો, ટચૂકડી લોઢાની ધારે, ધરતી સાથે લડતો, ધૂળ બધીયે...")
ભમરડો
લેખક : નિર્મળાબહેન દાણી
(જ. વ. નથી...)
લાલ, પીળો ભમરડો મારો
ભમ્મર ભમ્મર ભમતો...(૨)
નાનકડો છે અંગે તોયે મસ્ત બનીને ફરતો,
ટચૂકડી લોઢાની ધારે, ધરતી સાથે લડતો,
ધૂળ બધીયે દૂર હટાવી, ખાડો ઊંડો કરતો.
– લાલ પીળો ભમરડો મારો....
દોરીના દાગીના પહેરી નર્તન રૂડો કરતો,
નાના દોસ્તો જોવા મળતા, વાહ ! ભમરડો ફરતો.
– લાલ પીળો ભમરડો મારો...
બાલુડાની યુદ્ધભૂમિ પર, વિજ્યી વહેલો બનતો,
ભમરડાની હરીફાઈમાં ઇનામ લઈ ઘર ફરતો
– લાલ પીળો ભમરડો મારો...