અર્વાચીન ગુજરાતી કાવ્યસંપદા/ભાસ્કર ભટ્ટ/હમચી
Revision as of 05:27, 15 July 2021 by MeghaBhavsar (talk | contribs) (Created page with "{{SetTitle}} {{Heading|હમચી| ભાસ્કર ભટ્ટ}} <poem> અમે રમતાં ગાર્ય ગોરમટી રે — ::::: હાં રે...")
હમચી
ભાસ્કર ભટ્ટ
અમે રમતાં ગાર્ય ગોરમટી રે —
હાં રે બઈ હમચી લ્યો.
આખા ડિલે ઊમટી રે — હાં રે...
આડા અવળા ચીતર્યા મોર,
નાચે ઓણ ને ટહુકે પોર
ઢેલ નજરની ઢળતી રે — હાં રે બઈ...
પાલવ અડ્યે પલળતી રે — હાં રે બઈ...
ભીની ગાર્યે પગલી પા – પા
એના વાગ્યા હૈયે થાપા,
આખી શેરી રમતી — હાં રે બઈ...
ઉંબરે ડેલી ઊમટી રે — હાં રે બઈ...
વધી ગાર્યનું થાપ્યું છાણું.
બાકી પૂર્યું કોઠી સાણું.
ડાંખળે દીધી ચીમટી રે — હાં રે બઈ...
આખા આયખે ઊમટી રે — હાં રે બઈ...
(કુંવળનો અંજવાસ, ૧૯૮૩, પૃ. ૨૬)