ગુજરાતી નારીસંપદા : કવિતા/હાલો જૂઈ-મેળે

તો જ કદાચ

નૂતન જાની

⯐

હાલો જૂઈ-મેળે
રઝિયા મિર્ઝા
સાસાસા રેરેરે ગગગ મમમ પપપ ધધધ નીનીની સાસાસા(૨)
સાસાસા નીનીની ધધધ પપપ મમમ ગગગ રેરેરે સાસાસા
હાલો જૂઈ-મેળે હાલો જૂઈ-મેળે (૪)

જૂઈ તો તડકા ને છાંયાની ગોરી,
 નાજૂક ને નમણી છે સુંદર આ ગોરી,
વીણી વીણી ને જૂઈ ભેગી કરીશું...
હાલો જૂઈ-મેળે હાલો જૂઈ-મેળે (૪)

મનગમતા વિષયોની ચર્ચા કરીશું,
કવિતા, અછાંદસને ગઝલો કહીશું,
સાહિત્યની સખીઓ ભેગી થઈશું,
હાલો જૂઈ-મેળે હાલો જૂઈ-મેળે (૪)

ચારે દિશાઓને ખુંદી વળીશું,
પર્વત ને નદીઓની સંગે રહીશું,
કુદરતની છાયામાં સાથે ફરીશું,
હાલો જૂઈ-મેળે હાલો જૂઈ-મેળે (૪)

લક્ષ્મીદી’, પારુલદી’, મીનાદી’ મળશે
ગોપાલી, ભાર્ગવીદી’, ઉષાદી’ મળશે.
સહિયર સંગાથે ‘રાઝ’ વાતો કરીશું
હાલો જૂઈ-મેળે હાલો જૂઈ-મેળે (૪)

સાસાસા રેરેરે ગગગ મમમ પપપ ધધધ નીનીની સાસાસા (૨)
સાસાસા નીનીની ધધધ પપપ મમમ ગગગ રેરેરે સાસાસા

***